Pagiging Kwalipikado at Pagpapatala sa Medi-Cal

Matutulungan ka ng SFHP na malaman kung makakakuha ka ng mga benepisyo at serbisyo ng Medi-Cal. Gagabayan ka ng aming Enrollment Team sa proseso ng pagiging kwalipikado at pagpapatala para matulungan kang makakuha ng saklaw ng Medi-Cal para sa iyo o sa iyong pamilya.

Pagiging Kwalipikado

Para maging miyembro ng SFHP Medi-Cal, dapat kang naninirahan sa San Francisco.
Ang kita ng iyong sambahayan, laki ng pamilya, at edad ay makakatulong sa pagpapasya kung posible kang maging kwalipikado.

Kwalipikado Ba Ako?

Posible kang maging kwalipikado o ang iyong anak para sa isa sa aming mga programa kung nabibilang ka sa isa sa mga sumusunod na kategorya:

	Medi-Cal 0 hanggang 19 na taong gulang (0-266% FPL)	Mga Nasa Hustong Gulang sa Medi-Cal (0-138% FPL)
Laki ng Pamilya	Buwanang Kabuuang Kita
1	Hanggang $3,232	Hanggang $1,677
2	Hanggang $4,374	Hanggang $2,269
3	Hanggang $5,512	Hanggang $2,860
4	Hanggang $6,650	Hanggang $3,450
5	Hanggang $7,792	Hanggang $4,043
6	Hanggang $8,930	Hanggang $4,633

• Mayroon kaming ilang programa at matutulungan ka naming mahanap ang tamang programa
• Maaaring maging kwalipikado ang iyong mga anak kahit na hindi sila mga legal na residente

Kung inaakala mong hindi ka nabibilang sa isa sa mga kategoryang ito, o kung hindi ka sigurado kung ano ang gagawin mo, kontakin ang aming Enrollment Team. Puwede mo itong gawin sa pamamagitan ng pagpapadala ng email sa aming Enrollment Team o pagtawag sa 1(888) 558-5858, Lunes–Biyernes, 8:00am–5:00pm. Ang pagtatanong sa miyembro ng aming Enrollment Team ang pinakamahusay na paraan para matiyak kung kwalipikado ka.

Pagpapatala

Paano Mag-apply

Maging kwalipikado

Alamin kung ikaw o ang iyong anak ay kwalipikado.

Magtakda ng Appointment

Makipag-ugnayan sa amin kung may mga tanong

Mag-email o tumawag sa aming Enrollment Team.

Bisitahin kami para magpatala

Magpa-appointment sa aming Service Center ng SFHP.

Ang unang hakbang sa pagpapatala sa San Francisco Health Plan ay ang pagtiyak kung ikaw o ang isang miyembro ng pamilya ay kwalipikado para sa alinman sa aming mga programa, tulad ng Medi-Cal. Makipag-ugnayan sa aming Enrollment Team para magpa-appointment sa aming Service Center ng SFHP. Magtatanong kami ng ilang bagay tungkol sa kita ng iyong sambahayan, laki ng pamilya, edad, at paninirahan sa San Francisco. Posible rin kaming magtanong tungkol sa katayuan bilang mag-aaral o magulang. Makakatulong ito sa amin na mahanap ang programang pinakaangkop para sa iyo at sa iyong pamilya.

Mangyaring tandaan na kailangan mong magkaroon ng appointment.

Ang Service Center ng SFHP ay hindi nagbibigay ng mga walk-in na serbisyo.

Kung kailangan mo ng tulong o mayroon kang anumang mga katanungan, tumawag sa Serbisyo sa Customer ng SFHP sa 1(415) 547-7800, 1(800) 288-5555 (toll-free), o 711 (TTY), Lunes–Biyernes, 8:00am–5:00pm.