Ang All American Medical Group (AAMG) ay isang medikal na grupo na may mahigit 150 doktor sa buong San Francisco, kabilang ang mga PCP at espesyalista. Marami sa mga doktor ng AAMG ang nagsasalita ng mga diyalektong Chinese at iba pang wikang Asyano. Ang team ng Ugnayan sa Mga Miyembro ng AAMG ay bihasa rin sa Cantonese, Mandarin, Ingles, at iba pang lokal na diyalekto. Para makipag-ugnayan sa AAMG, tumawag sa 1(415) 590-7418 o mag-email sa [email protected].

Para matuto pa, bisitahin ang aamgdoctors.net..

Mahalaga ang iyong kalusugan sa Brown & Toland. Para matulungan kang manatiling malusog, nag-aalok sila ng mga programang nakatuon sa pangkalahatang kalusugan. Kabilang dito ang mga serbisyo sa pamamahala ng pangangalaga at klase para sa kalusugan at kagalingan. May mahigit 250 doktor ang Brown & Toland na matatagpuan sa mga campus ng ospital at pribadong tanggapan sa buong San Francisco. Kabilang dito ang mga PCP at espesyalista tulad ng mga doktor sa puso (mga cardiologist), surgeon, at obstetrician/gynecologist (mga OB/GYN).

Para matuto pa, bisitahin ang brownandtoland.com.

Ang Community Clinic Network ay grupo ng mga independiyenteng hindi kumikitang klinika sa San Francisco. Nag-aalok sila ng de-kalidad na pangangalagang pangkalusugan na gumagalang sa iba’t ibang kultura at wika sa mga kapaligirang nakabatay sa komunidad. Isang team ng mga doktor, nars, dentista, at iba pang manggagawang pangkalusugan ang nagbibigay ng pangunahing pangangalaga, mga check-up, at marami pa. Maraming klinika ang nag-aalok ng “kumpletong serbisyong medikal sa iisang lugar (one-stop shopping).” Kabilang dito ang pangangalaga sa kalusugan ng pag-iisip, pangangalaga sa ngipin at paningin, edukasyon sa kalusugan, at tulong sa pag-iwas sa mga sakit. Para sa pangangalaga ng espesyalista at pang-emergency na pangangalaga, pumupunta ang mga pasyente sa Zuckerberg San Francisco General Hospital and Trauma Center. Nagbibigay ang Laguna Honda Hospital ng mga serbisyo ng may kasanayang pag-aalaga at rehabilitasyon.

Para matuto pa, bisitahin ang sfccc.org.

Ang Hill Physicians sa San Francisco ay isang network na binubuo ng halos 200 doktor sa maraming espesyalidad. Sa buong Northern California, higit sa 300,000 tao ang nakadepende sa Hill Physicians para sa de-kalidad na pangangalaga sa madadaling puntahang lokasyon na malapit sa bahay at trabaho. Itinalaga ng California Association of Physician Groups ang Hill Physicians bilang “Elite” na grupo sa Mga Pamantayan ng Kahusayan nito, ang pinakamataas na ranking. Ngayon, ang iyong doktor saHill Physicians at medikal na grupo ay puwedeng makipagtulungan sa iyo para suportahan ang malusog na paraan ng pamumuhay.

Para matuto pa, bisitahin ang hillphysicians.com

Ang Jade Health Care Medical Group ay may mahigit 230 pangunahin at may espesyalidad na provider sa San Francisco. Nakatuon ang Jade sa paghahatid sa ating komunidad ng bilingual na pinamamahalaang pangangalagang pangkalusugan na may pinakamataas na kalidad at sensitibo sa kultura. Ang ospital ng network para sa Jade Health Care ay ang Chinese Hospital. Kung nagtatrabaho sa ibang ospital ang iyong espesyalista sa Jade Health Care tulad ng California Pacific Medical Center o UCSF, posible mong matanggap sa ibang ospital ang kinakailangang pangangalaga sa naturang ospital. Saklaw ang pangangalaga sa ibang ospital kung pinapahintulutan ng Jade Health Care.

Para matuto pa, bisitahin ang jadehcmg.com o tawagan sa 1(415) 590-7418.

Ang North East Medical Services (NEMS) ay isang hindi kumikitang medikal na grupong may 7 klinika at indibidwal na provider ng pangunahing pangangalaga. Ang mga tauhan sa mga klinika at indibidwal na site ng provider ng NEMS ay nagbibigay ng mga komprehensibo at de-kalidad na serbisyo sa pangangalagang pangkalusugan na may personal na pagsasaalang-alang. Naglilingkod ang NEMS sa lahat ng pasyente at may espesyalidad ito sa iba’t ibang background ng kultura at etnisidad sa Asya. Nakakapagsalita ang mga tauhan sa NEMS ng maraming wika kabilang ang Mandarin, Cantonese, Vietnamese, Korean, Burmese, at Ingles.

Para matuto pa, bisitahin ang nems.org o tumawag sa 1(888) 500-1886.

Ang North East Medical Service ay may pitong klinika at indibidwal na provider. Naghahatid sila ng mga serbisyo sa pangunahing pangangalaga at pangangalagang may espesyalidad. Ang San Francisco Health Network ay nagbibigay ng mga serbisyo sa ospital at dagdag (pantulong) na serbisyo gaya ng mga serbisyo sa laboratoryo at radiology ng outpatient.

Ang mga tauhan sa mga klinika at site ng indibiwal na provider ng North East Medical Services ay nagbibigay ng mga komprehensibo at de-kalidad na serbisyo sa pangangalagang pangkalusugan. Naglilingkod sila sa lahat ng pasyente at may espesyalidad sila iba’t ibang background ng kultura at etnisidad sa Asya. Nakakapagsalita ang mga tauhan ng maraming wika kabilang ang Mandarin, Cantonese, Vietnamese, Korean, Burmese, at Ingles.

Para matuto pa, bisitahin ang nems.org o tumawag sa 1(888) 500-1886.

Ang San Francisco Health Network ay isang komunidad ng mga nangungunang klinika, ospital, at programang pinapatakbo ng San Francisco Department of Health. Iniuugnay nila ang mga taga-San Francisco sa de-kalidad na pangangalagang pangkalusugan. Taon-taon, naglilingkod sila sa mahigit 100,000 tao sa mga klinika at ospital, tulad ng mga Sentrong Pangkalusugan sa Castro-Mission, Chinatown, Southeast, Zuckerberg San Francisco General, at Laguna Honda Hospital and Rehabilitation Center. Bilang sistema ng pampublikong kalusugan ng lungsod, nagbibigay din sila ng pangangalagang pang-emergency, para sa trauma, para sa kalusugan ng pag-iisip, at para sa pang-abuso sa paggamit ng substance sa sinumang Taga-San Francisco na nangangailangan nito. Naninindigan ang Health Network sa pagbibigay-kakayahan sa lahat ng Taga-San Francisco, nang walang pagbubukod, na mamuhay sa pinakamalusog na paraang posible.

Matuto pa sa sf.gov.

Ang UCSF Medical Group ay nagbibigay ng access sa isa sa mga nangungunang sentrong medikal sa bansa. Nakakatanggap ang mga miyembro ng kumpletong de-kalidad na pangangalaga mula sa mahigit 2,000 doktor na bahagi ng School of Medicine ng UCSF at na nagbibigay ng pangunahing pangangalaga, pediatric, at gynecology na pangangalaga, mga serbisyo sa kalusugan ng kababaihan, serbisyong pang-emergency, at marami pa. Sa pamamagitan ng pagpili ng doktor ng UCSF, mayroon kang access sa mga advanced na serbisyo sa pangangalagang pangkalusugan at malaking network ng mga espesyalista.

Para matuto pa, bisitahin ang ucsfhealth.org.