Posibleng maging kwalipikado ka sa programang MTM kung matutugunan mo ang mga tuntunin para sa isa o dalawang grupo na nasa ibaba. Ang programang MTM ay hindi isang benepisyo para sa SFHP Care Plus.

Grupo 1: Magiging kwalipikado ka para sa programang MTM kung matutugunan mo ang lahat ng tuntunin na nasa ibaba:

Mayroon kang hindi bababa sa 3 sa mga hindi gumagaling na sakit:

• Alzheimer’s Disease
• Sakit sa buto at pamamaga ng kasu-kasuan
• Hindi gumagaling na pagpalya ng puso (CHF)
• Diabetes
• Dyslipidemia (mataas na kolesterol)
• Nasa huling yugto ng sakit sa bato
• Human immunodeficiency virus/Acquired immunodeficiency syndrome (HIV/AIDS)
• Altapresyon (mataas na presyon ng dugo)
• Mga kundisyon ng kalusugan sa isip
• Hika, chronic obstructive pulmonary disease (COPD), o iba pang hindi gumagaling na mga problema sa baga

Umiinom ka ng di bababa sa 8 iba’t ibang maintenance na gamot

Ikaw ay malamang na gumastos ng di-bababa sa $1,276 sa sinasaklaw na Medicare Part D na mga gamot sa taong 2026

Group 2: Kwalipikado ka para sa programang MTM kung alinman sa mga sumusunod ay angkop sa iyo:

• Itinuturing kang nasa high risk na magkaroon ng mga side effect o overdose dahil sa imiinom ka ng mataas na dami ng (mga) gamot na opioid. Marahil dahil ito sa natatanggap mong mga reseta mula sa mahigit sa isang doktor o pinupunan ito sa iba’t ibang parmasya; o
• Mayroon kang kamakailang kasaysayan ng pagka-overdose na nauugnay sa opioid.
• Kung maging kwalipikado ka para sa programang MTM, awtomatikong isa-sign up ka. Makakatanggap ka ng liham ng pagbati sa pamamagitan ng koreo na nagpapaliwanag kung paano gumagana ang programa at kung paano hihiling ng pagsusuri ng iyong mga gamot. Sasabihin din sa iyo sa sulat kung paano mo ligtas na maitatapon ang anumang hindi nagamit na mga inireresetang gamot. Ang programang MTM ay libre para sa mga miyembro ng SFHP Care Plus na magiging kwalipikado.

Kung hindi mo gustong mapabilang sa programang MTM, ipaalam ito sa amin at tatanggalin ka namin sa programa. Maaari kang umalis sa programa anumang oras.

Kung matutugunan mo ang mga batayan para sa programang MTM , awtomatiko kang maitatala sa programa. Makakatanggap ka ng liham ng pagbati para sa programang MTM. Ipapaliwanag sa liham ang programa at sasabihin sa iyo kung paano hihiling ng pagrepaso ng iyong mga gamot kasama ng isang parmasyutiko o iba pang propesyonal sa pangangalagang pangkalusugan na tinatawag na Comprehensive Medication Review (CMR).

Upang mag-iskedyul ng iyong CMR, kumpletuhin at ibalik ang form na natanggap na kasama ng iyong liham ng pagbati na nasa loob ng sobreng may bayad na selyo. Lalo nang kapakipakinabang ang pagsusuring ito kung makukumpleto ito bago ka magpatingin sa iyong provider para sa iyong taunang pagpapatingin na pangkalusugan.

Ang CMR ay isahang pag-uusap sa telepono sa pagitan mo o ng iyong awtorisadong kinatawan at ng parmasyutiko o iba pang propesyonal sa kalusugan. Sa panahon ng CMR, susuriin ng pasyutiko ang lahat ng gamot na iniinom mo, kasama na ang mga reseta, gamot na over-the-counter (OTC), herbal na supplement, at sampol. Magsusulat ang parmasyutiko ng Personal na Listahan ng Gamot PML) paano iinumin ang iyong mga gamot at ipapaliwanag kung bakit mo iniinom ang bawat gamot.

Pag-uusapan din ninyo ang mga layunin kung bakit mo iinumin ang mga gamot at ang anumang mga problema o tanong na mayroon ka. Mangyaring maghintay ng di-bababa sa tatlumpung minuto para sa iyong CMR. Nakadepende sa maraming salik ang panahong kailangan upang marepaso ang lahat ng iyong gamot, at posibleng tumagal ito. Pagkalipas ng CMR, makakatanggap ka ng follow-up na liham na naglalaman ng Planong Gagawin sa Paggagamot na naglalaman ng detalye ng inyong pag-uusap kasama ng pasyutiko, kasama ng iyong Personal na Listahan ng Gamot.

Kahit hindi mo makumpleto ang CMR, rerepasuhin ng programang MTM ang iyong mga gamot kada tatlong buwan bilang bahagi ng Targeted Medication Review (TMR). Tumutulong ang mga TMR na matukoy ang espesipiko o potensyal na mga problema mula sa iyong mga gamot. Kung makakita kami ng mga isyu sa mga gamot na iniinom mo, makikipag-ugnayan kami sa iyo, sa iyong awtorisadong kinatawan, o sa iyong doktor.

Oo, Pagkatapos ng pagrepaso, makakakuha ka ng nakasulat na buod ng talakayang ito. Naglalaman ang buod ng Planong Gagawin sa Paggagamot na nagrerekumenda ng kung ano ang pwede mong gawin upang lubos na mapakinabangan ang iyong mga gamot. Makakatanggap ka rin ng Personal na Listahan ng Paggagamot na naglalaman ng lahat ng gamot na iniinom mo at kung bakit mo iniinom ang mga ito.