Nagbibigay ang SFHP Care Plus ng mga serbisyong Hindi Pang-emergency na Medikal na Transportasyon (NEMT) at Hindi Medikal na Transportasyon (NMT) para sa iyong mga saklaw na pagpapatingin para sa kalusugan.

Makakapagbigay ang NEMT ng higit pang suporta, tulad ng tulong sa pagsakay at pagbaba ng sasakyan at medikal na pangangasiwa. Kinakailangan sa NEMT ang reseta mula sa iyong doktor na tinatawag na Pahayag ng Pagpapatunay ng Doktor (PCS) bago ka makapagpaiskedyul ng masasakyan papunta sa iyong pagpapatingin para sa kalusugan.

Makakatulong ang NMT kung wala kang ibang paraan para makapunta sa mga pagpapatingin para sa kalusugan, pero hindi mo kailangan ng medikal na suporta. Hindi kailangan ng PCS sa NMT.

NEMT: Ambulansya

Kung kailangan mo ng espesyal na medikal na suporta habang nasa biyahe, para sa iyo ang serbisyong ito. Kabilang sa transportasyon sa antas ng ambulansya ang:

• Mga paglipat sa pagitan ng mga medikal na pasilidad kung saan kailangan mo ng tuloy-tuloy na IV medication, pagsubaybay sa kalusugan, o pag-oobserba.
• Paglipat mula sa isang ospital para sa acute care papunta sa iba.
• Transportasyon kung nagsimula ka ng oxygen therapy kamakailan, at hindi ligtas na bumiyahe ka nang walang pangangasiwa. (Tandaan: Hindi ito nalalapat kung madalas kang gumagamit ng oxygen at kaya mo itong dalhin nang ligtas).
• Transportasyon kapag mayroon kang mga hindi gumagaling na kundisyon, kailangan mo ng oxygen, at kailangan mo ng pagsubaybay sa kalusugan habang nasa biyahe.

NEMT: Wheelchair Van

Kung kailangan mo ng wheelchair o tulong sa pagpunta sa iyong tahanan, sasakyan, at sa destinasyon mo, para sa iyo ang serbisyong ito.

Ang uri ng transportasyong ito ay para rin sa mga ambulatory na miyembro na nangangailangan ng suporta o pangangasiwa sa pagpasok o paglabas sa gusali. Kabilang dito ang mga taong may dementia, o mga taong maaaring nanghihina pagkatapos ng paggamot na tulad ng dialysis. Kung klinikal na kinakailangan, puwedeng ireseta ng provider mo ang wheelchair van na antas ng serbisyo (o mas mataas na antas ng transportasyon) para matiyak na ligtas at kumportable ka habang nasa biyahe.

NEMT: Stretcher/Gurney

Puwede kang gumamit ng transportasyong may stretcher (gurney) kapag inireseta ito ng iyong doktor. Kung hindi ka makaupo nang maayos habang nasa biyahe, tumutulong ang serbisyong ito na mapanatili kang ligtas at kumportable. Gayundin, kung may lima o higit pang baitang sa iyong tahanan o klinika at walang ramp dito, ihahatid ka nang nakahiga sa isang stretcher. Tumutulong itong maiwasan ang pinsala at manatili kang ligtas habang nasa biyahe.

NMT: Ambulatory na Door-to-Door

Kung naglalakad ka nang may tungkod, walker, o kailangan mo ng kaunting tulong mula sa driver, para sa iyo ang serbisyong ito. Ligtas kang aalalayan ng driver mula sa iyong pintuan hanggang sa sasakyan, at mula sa sasakyan papunta sa lokasyon ng appointment mo. Mangyaring maging handa na sa oras ng pagsundo sa iyo at ipaalam sa driver kung kailangan mo ng karagdagang suporta.

NMT: Ambulatory na Curb-to-Curb

Kung kaya mong maglakad nang mag-isa at hindi mo kailangan ng tulong mula sa iyong driver, para sa iyo ang serbisyong ito. Susunduin at ihahatid ka ng driver sa harap ng bakuran mo, at hindi sa mismong pintuan mo. Para sa pinakamahusay at pinakamaayos na biyahe, mangyaring magbigay ng matatawagang numero ng telepono kung saan maaaring makausap ka bago ang iyong biyahe at habang nasa biyahe ka. Dagdag pa rito, maging handa sa curb limang (5) minuto bago ang iyong nakaiskedyul na oras ng pag-pickup.

Magagawa ng miyembro ng SFHP Care Plus, miyembro ng pamilya, coordinator sa pangangalaga, tagapag-alaga, o miyembro ng staff ng medikal na pasilidad ang alinman sa paggamit ng Modivcare App o pagtawag sa Modivcare sa 1(855) 251-7098.

Ang Modivcare ang magpapasya sa oras ng pagsundo sa iyo batay sa kung gaano katagal ang aabutin para makapunta sa iyong pagpapatingin.

Maging handa sa iyong pagsakay sa loob ng hindi bababa sa 15 minuto bago ang nakatakdang oras ng pagsundo. Ang mga driver ay maghihintay lamang ng 5 minutong lampas sa iyong nakatakdang oras ng pagsundo, kaya mangyaring maging handa kapag dumating na ang iyong sasakyan.

Kung hindi ka nagplano ng nakatakdang oras ng pagsundo pagkatapos ng iyong pagpapatingin, tumawag sa “Nasaan na ang Sundo Ko?” sa 1(855) 251-7098.

Makakuha ng mga update sa iyong sasakyan o makipag-ugnayan sa iyong driver sa Modivcare App. O, puwede kang tumawag sa “Nasaan na ang Sundo Ko?” sa 1(855) 251-7098para ipaalam sa Modivcare team.

Gamitin ang Modivcare App para mabilis na mabago o makansela ang iyong sasakyan. O, tumawag sa Modivcare sa 1(855) 251-7098.

Tawagan ang Serbisyo sa Customer ng Modivcare sa 1(855) 251-7098.

Kung may lima o higit pang baitang at walang ramp sa tahanan o klinika mo, ihahatid ka gamit ang stretcher/gurney para mapanatili kang ligtas at maiwasan na masaktan ka.

Kung nag-ayos at nagbayad ka ng transportasyon dahil sa pagpalya ng transportasyon ng Modivcare, maaaring maibalik sa iyo ang pera. Mangyaring tumawag sa Serbisyo sa Customer ng SFHP Care Plus para iulat na nagbayad ka mula sa sariling bulsa at isumite ang patunay ng pagbabayad sa loob ng 30 araw.