Ang mga miyembro ng San Francisco Health Plan Medi-Cal na wala pang 21 taong gulang ay maaaring makakuha ng pangangalaga upang mapanatili kang mabuti. Libre ang mga serbisyong ito, kahit na hindi bahagi ng regular na pagpapatingin ang mga ito.

Ang mga pagpapatingin sa doktor at pagsusuri sa kalusugan ay makakatulong sa iyong manatiling malusog at makuha ang pangangalagang kailangan mo. Kung may isyung makita sa panahon ng pagpapatingin sa doktor o pagsusuri, sasaklawin ng San Francisco Health Plan ang anumang pangangalagang maaaring kailanganin nang wala kang babayaran. Maaaring maganap ang ilang uri ng pagpapatingin sa telepono o sa video.

Ang ilan sa mga libreng serbisyong ito ay:

  • Mga pagpapatingin ng bata habang walang sakit
  • Mga pagsusuri sa laboratoryo, gaya ng screening para sa lead
  • Mga pagsusuri sa paglaki
  • Mga pagsusuri sa pandinig at paningin
  • Mga Screening para sa Kalusugan ng Isip
  • Pisikal na pagsusuri
  • Mga bakunang makakapagpalakas sa iyo. Kabilang dito ang bakuna laban sa trangkaso at iba pa.
  • Mga pagsusuri sa ngipin
  • Mga referral para sa iba pang paggamot

Maaari mong tawagan ang iyong doktor upang magtakda ng pagpapatingin. Matutulungan ka ng aming Serbisyo sa Customer na makipag-ugnayan sa iyong doktor. Tawagan ang SFHP sa 1(415) 547-7800 o 711 (TTY), Lunes–Biyernes, 8:30am–5:30pm.

Higit Pang Tulong mula sa SFHP

  • Serbisyo sa Customer: Kung kailangan mo ng tulong o mayroon kang anumang mga katanungan, tumawag sa Serbisyo sa Customer ng SFHP sa 1(415) 547-7800, 1(800) 288-5555 (libre ang pagtawag), o 711 (TTY), Lunes–Biyernes, 8:30am–5:30pm.
  • Mga Serbisyo ng Interpreter: Maaari kang kumuha ng interpreter sa personal o sa telepono para sa iyong mga pagbisita para sa kalusugan. Kapag nagpa-appointment ka, isabay na rin ang paghiling ng interpreter.
  • Kailangan ng Masasakyan? Matutulungan ka ng SFHP na makakuha ng transportasyon papunta sa anumang medikal na appointment na saklaw ng Medi-Cal. Magtanong sa iyong provider o tumawag sa Serbisyo sa Customer.
  • Interesado sa Mga Benepisyo ng Medi-Cal? Tingnan kung makakakuha ka o ang iyong pamilya ng Medi-Cal sa pamamagitan ng SFHP.

Alamin pa ang tungkol sa iyong mga saklaw na benepisyo at serbisyo sa Medi-Cal.