Pangasiwaan ang Iyong Kalusugan: Iiskedyul ang Iyong Taunang Pagbisita para sa Wellness

Ang pag-aalaga sa iyong kalusugan ay isa sa pinakamagandang regalo na maaari mong ibigay sa iyong sarili. Kung isa kang miyembro ngSFHP Care Plus (HMO DSNP), maaari kang makakuha ng Taunang Pagbisita para sa Wellness bawat taon nang wala kang gagastusin. Ito ay isang simple at maaasahang paraan para manatiling malusog at matukoy nang maaga ang mga problema.

Ano ang isang Taunang Pagbisita para sa Wellness?

Ang isang Taunang Pagbisita para sa Wellness ay isang espesyal na pagpapatingin-sa iyong provider ng pangunahing pangangalaga (Primary Care Provider, PCP). Ang iyong PCP ay ang personal na doktor mo kung kailangan mong magpatingin, gusto mo ng payo sa problema sa kalusugan, o kung may sakit o nasaktan ka.
Ang isang Taunang Pagbisita para sa Wellness ay hindi katulad ng pagpapatingin kapag may sakit ka. Sa halip, nakatuon ito sa iyong pangkalahatang kalusugan, sa iyong pang-araw-araw na buhay, at iyong mga layunin sa kalusugan sa hinaharap.
Tumutulong ang pagbisitang ito sa iyo at sa iyong doktor na gumawa ng plano para manatiling malusog, ligtas, at malakas.

Bakit Mahalaga Ang Pagbisita Na Ito

Kahit maayos ang pakiramdam mo, mahalaga pa rin ang pagbisitang ito. Maaaring unti-unting magbago ang kalusugan mo sa paglipas ng panahon. Tinutulungan ka at ang iyong doktor ng Taunang Pagbisita para sa Wellness na maagapan ang mga problema at mapanatili ang iyong pinakamainam na pakiramdam.

Sa iyong pagbisita, maaari mong:

• Alamin ang kalagayan ng iyong katawan at kaisipan
  Maaaring magtanong ang iyong doktor, magsagawa ng mga simpleng pagsusuri, at alamin kung kumusta ka sa emosyonal at pisikal na aspeto.
• Suriin ang iyong mga gamot
  Titingnan mo at ng iyong doktor ang mga iniinom mo at sisiguraduhin na ang lahat ay maayos na gumagana para sa iyo.
• Pag-usapan ang tungkol sa mga screening ng kalusugan
  Maaaring magmungkahi ang doktor mo ng mga pagsusuri na makatutulong na matukoy ang mga problema nang mas maaga.
• Malaman ang mga paraan para manatiling aktibo at malakas
  Maaari kayong mag-usap tungkol sa ehersisyo, pagkain, pagtulog, at marami pa.
• Makakuha ng suporta para sa pangmatagalang-kondisyon ng kalusugan
  Kung mayroon kang mga kondisyon tulad ng diabetes, hika, o altapresyon, maaaring makatulong ang pagbisitang ito para mapamahalaan ang mga ito nang mas mabuti.

Ang Pagbisitang ito ay para sa IYO

Ito ang pagkakataon mong magsalita, magtanong, at magbahagi ng anumang nasa isip mo. Gusto kang suportahan ng iyong team sa pangangalaga. Karapat-dapat kang makaramdam ng kumpiyansa at may kontrol sa iyong kalusugan.

Ready to Make Your Appointment?

Tawagan ngayon ang iyong PCP upang iiskedyul ang iyong Taunang Pagbisita para sa Wellness. Ito ay mabilis, simple, at libre. Hanapin ang numero ng telepono ng iyong PCP sa iyong SFHP ID card.
Kung kailangan mo ng tulong sa paghahanap ng doktor o sa paggawa ng iyong appointment, makakatulong ang SFHP.