Alam mo ba na ang mga pagsusuri sa presyon ng dugo ay isang benepisyo sa Medi-Cal?

Hinihikayat ka ng San Francisco Health Plan na regular na magpasuri ng iyong presyon ng dugo upang matulungan ka at ang iyong doktor na malaman kung ikaw ay nasa panganib na magkaroon ng atake sa puso o stroke.

Diagnosis

Maaari mong malaman kung mayroon kang hypertension sa pamamagitan ng regular na pagpapasuri sa iyong presyon ng dugo. Kapag mayroon ka na nito, kadalasang habambuhay itong tumatagal.

Kung nasa pagitan ng 120/80 at 139/89 mmHg ang iyong reading, maaari kang magkaroon ng pre-hypertension. Ibig sabihin, wala kang mataas na presyon ng dugo ngayon, ngunit maaari kang magkaroon nito sa hinaharap.

Ang ilang tao ay may mas mataas na presyon ng dugo sa tanggapan ng isang provider kaysa sa presyon ng dugo na mayroon sila sa natitirang oras. Malalaman mo kung totoo ito para sa iyo sa pamamagitan ng pagpapasuri sa iyong presyon ng dugo sa isang parmasya, o sa pamamagitan ng paggamit ng blood pressure cuff. Dapat mong isulat ang mga resulta at ibahagi ang mga ito sa iyong provider.

Mga Source:
nhlbi.nih.gov/health/health-topics/topics/hbp
nlm.nih.gov/medlineplus/highbloodpressure.html